由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》昨晚（10月27日）主題「空間風水」請來靚女堪輿師唐碧霞師傅擔任嘉賓，講解「風水」跟「空間」的關係，她解釋說︰「普通人一起身，就係喺屋企準備返工，然後就搭車或者揸車，跟住喺office做完嘢，又會返番屋企休息......所以我今日就準備咗由屋企、辦公室同車做例子。」

唐碧霞師傅為開車返工的觀眾提供貼士，她說︰「車牌號碼對車主運程好緊要，唔同季節出世，適合配唔同號碼同顏色。好似冬天出世嘅人要補火，適宜紅、紫、橙色嘅車，號碼要有2、7；夏天缺水宜黑、藍、灰配1同6車牌；秋天出世補木，綠色同青色最啱，車牌可以揀3同8；最後春天出世嘅車主欠金，顏色可以揀︰白、金、銀，數字4同9最匹配。」接住她補充有三組號碼容易令車主招禍︰「呢三組數字無論車牌號同樓層都應該避免，分別係『25』有交加損主重病風險、『23』代表『鬥牛煞』易起爭執、嗌交；『67』為『交劍煞』破財、健康受損或血光之災。」

節目中唐碧霞師傅講到辦公室風水，原來辦工桌對打工仔非常重要，跟升遷加人工都有關，她說︰「張枱嘅位置係最重要，特別係對住走廊、洗手間、垃圾桶，呢啲位置嘅氣場一般。」至於坐椅的靠背、方向，亦有講究她表示，首先有得揀宜選正東、南、西或者西南的位置。唐碧霞師傅教打工仔自製「靠山」，她說︰「椅對打工仔亦好重要，一定要有靠背，如果八字唔係忌土嘅話，可以喺椅背放件黃色或者啡色外套。忌土嘅可以加高張椅或者張椅加頭枕，椅背越高越好。」

https://www.bastillepost.com/hongkong/article/15377724-直播靈接觸｜唐碧霞師傅教辦公室自製「靠山」-揭